我的最爱
2008-10-15 9:36:40 阅读(21) 评论(0)
因为睇完林海峰,笑到太丧,神经兴奋过头,于是,训唔着.
.塞左耳机窝在床上听着,催眠入睡.
听到"我的最爱".其实呢首歌,我只系认真听过一两次.原来D歌词...嗯....系咁嘅.
考前不安暴躁症
2008-10-10 10:25:02 阅读(32) 评论(4)
|
|
|
PHOTO BY JADE （厦门-抽屉咖啡馆儿)
请忽略镜头前面那个大叔，我偷拍的主角是拿着相机的男士。后来唔知系米因为我哋一伙人太吵，这位男士就和他的美女模特走人鸟~
明天考试。复习复到头晕，点解日本首相一年内可以换三个咁多。点解实现人生理想要“在自己的工作岗位上埋头苦干发挥优异的成绩报效祖国”啊。其实我无乜复习，不断咁同人讲电话，可能讲电话系我减压的方式。同女人一晚4个电话，爆记录。都系改不了，我是个话痨。
因为每晚下班就扑翻屋企复习，所以今个星期我的支出是星期二三四每日一旧三明治，5*2=10，寻日阿头良心发现请我吃的，所以支出是0。外加一本《1626》，10蚊。星期一至星期五现时为止支出10+10=20.豆瓣有个活动叫100元花一个礼拜。看来我强好多，喔呵呵。
不过等阵我要去买支2B铅笔考试
无约会，无饭局，无购物的日子，钱包里的钱原封不动的感觉真係好~~~但系星期日我会大大大破财，亲爱的电脑星期日回来鸟，好运的话，还会多一部PSP~~~~~~~~阿弥陀佛
点解我要成日聊人去香港啫。其实真係想去迪迪尼，想去南丫岛，想去H&M扫货，物质到死。
仲有嗰晚未落肚的一哥云吞面，吖边个话，真係有大大只虾噶~
今晚，要努力冲刺
考完个试之后，要开始每个礼拜坚持XXXX
闹剧
2008-10-9 10:01:27 阅读(19) 评论(1)
出了名的丢三落四。昨晚出lift后发现无拿手机，转身回去，众同事已默契地同声说，“你又唔记得罗手机啦”。他们说“又”，几了解我。可惜当我上翻公司，发觉到处都找不到手机，打了自己号码，关机。一下子惊醒，一定是快递公司的人拿走了。工作太忙，求其将手机放在台面，上来收件派件的快递公司分别有顺丰、鹰航、DDS同DHL。矛头当然就直指DDS的人，因为佢地打扮好猥琐，难听D讲，就似贼。其余的，顺丰同DHL的人收入太高，睇唔起我部手机，鹰航的人无埋过我身。女人仲教我点打电话要挟DDS个人，叫佢比翻部手机我。
然后，我打电话比阿头，谂住炸下娇顺便商量下点对付个贼，一接通，佢就话，“我打锣咁搵你吖”。原来只扑街，为左惩罚我乱咁将手机放在台面上，将部手机收左落佢柜筒，仲关埋我机。呢下真係极悲跳翻去极喜，吓死人。今次我得到个教训，又吓餐死，阿头为左表示悔意话请我去五星级酒店自助餐。都唔知系佢不幸还是我不幸。
其实，我最紧张嘅唔系部手机，系手机里面的资料。一D对于我唔舍得删的短信，日历里面记录左上个月大姨妈的日期，银行卡密码（我好多银行卡你哋唔好打我主意了）……一想起这些东西都会唔见，就好心痛。好彩，这些都没有离我而去。我系米应该买个记事本呢。
PS.阿英同某威个电话号码超级难记，要对住个电话薄先按得出，打一次就要睇一次电话薄，小喇叭。寻晚不断咁打某威电话的时候把女人声成日话关机，我好邪恶咁谂“唔系又被人偷手机吖嘛”，原谅我的胡思乱想啦~唔好关机，关机我会好鬼彷徨...囧
爱怪吻的我
2008-10-7 17:35:15 阅读(22) 评论(2)
这将会是一篇很长的牢骚.
妈每晚抓着我贴膏药,可也许我真的是割破手掌的同时又割破条神经,神经痛吖大姐,贴膏药无用噶,日日只左手都无力,冤冤痛,睇到个伤口就发寒,点解...可唔可以唔好痛.仲要打键盘喔.
屋企部脑脑终于坏了.两个月内往电脑城跑了几次,终于个靓仔摇一摇头话,你块主板,要整,都几难.于是我下定决心,抛弃部老爷机,换部新机.要等我考完成高之后先得闲.寻晚抄左D书出来复习,看了一页之后,11妹打电话嚟,我当然就叫佢陪我去电脑城执机啦.收线之后好苦闷,打电话比牛展,问佢好翻未.讲左一阵原来佢激嬲左女朋友,要收线.依然好苦闷,打比阿生,第一句就问,衰佬,你下个月几号结婚吖.阿生沉默左一阵话,其实,我系12月结婚.我好淤.记错人家结婚日子.
忽地发现身边D朋友拍拖嘅拍拖,结婚嘅结婚.我就苦闷到到处打电话比人.其实系米应该有D改进呢.我都唔知.可能考到之后,下年开始夜晚翻学的生活,会充实D呱.呢一行越来越难做,可能我唔做呢份工,就会转行了.
天气开始转凉,我依然着人字拖日日在大街上晃荡.成个夏天几乎无着过长裤,忽然要习惯穿长袖着长裤,一时改变唔来.在街上遇到一个着人字拖的女人,好亲切.我都唔明有D变态,话我着人字拖好随便(包括我老妈子,日日话我着拖鞋,日日话要抓我去买高跟鞋),其实着人字拖系最舒服噶,落雨又唔怕.一对好嘅人字拖,可以伴你走天下!不过今日见到同事着对新cons,又有种想去买对cons的冲动.嗯,冬天真係来先算啦.
阿妈话,抵你死啦,成日用坏部电脑,而家整亲只手,无得你打键盘,你比心机复习系啦.仲有几日就考试了.也是去二中.4年前去二中参加高考,点知考到个垃圾大专.4年后去二中参加成人高考,希望可以考到本科入学啦.考完试,要去执部新机~今次,我要双核!唔好再歧视我部老爷机了~
讲翻几日之前同主席去了77go饮食版好多人去过都话好的禾盛寿司.其实好鬼难食,D三文鱼,林嘅.不过当时我将所有的注意力摆左落店内部电视里面.因为电视播紧糖心风暴1的大结局.一边食一边睇翻,好有feel.不过呢,原来而家睇翻,觉得啊得得地个头,好鬼娘.下次都系唔好乱咁信论坛D人讲嘅嘢,人地话好食嘅未必真係好食噶.
呢篇日志从早上9点几写到下午五点几,忙左一日.又乱写左一日.皆因我有几日都唔会再更新.讲完了.好饿.